ဘုရားရှိုခိုးပူဇော်ရသော အကျိုး (၈) မျိုး ဘုရားရှိုခိုးပူဇော်ရသော ကုသိုလ်စေတနာတန်ခိုးတေဇော်အာနုဘော် ကြောင့် ယခုမျက်မှောက်ဘဝမှာပင်ဘေးဒဏ်ရန်မာန်တို့မှ
ကင်းဝေး လျက် နောက်နောင်ဘဝတို့၌ ဆုတောင်းပတ္ထနာ မပြုရဘဲ၊ ဆုမတောင်း ရဘဲ
အကျိုး (၈) ပါး ရနိုင်သည်။ ၁။ သွားလေရာရာ ရောက်လေရာအရပ် (၁ဝ)
မျက်နှာတို့၌ အပူဇော် အချီးမြှောက်ကို
ခံရခြင်း၊ ၂။ သွက်သွက်လက်လက်နှင့် ထက်မြက်သော ဉာဏ်ပညာကို ရရှိ
ခြင်း၊ ၃။ ကိုယ့်အလိုလိုက်ပြီး ကိုယ့်အကြိုက်ကိုသာ လုပ်ကိုင်ပေးကြ
သော အခြွေအရံပရိသတ် နှင့် ပြည့်စုံရခြင်း၊ ၄။ မရေမတွက်နိုင်သော
စည်းစိမ်ချမ်းသာ နှင့် ပြည့်စုံရခြင်း၊ ၅။ ဘဝတိုင်းဘဝတိုင်း အဆင်းရုပ်ရည်
လှပခြင်း၊ ၆။ ကိုယ်လှစိတ်လှ အတွင်းအပြင်လှပသည့် အတွက်အများ၏
နှစ်သက်ခြင်းကို ခံယူရခြင်း၊ ၇။ မိတ်ဆွေအပေါင်းအသင်းတို့၏
ချစ်ခင်ရိုသေလေးစားမှုခိုင်မြဲ ခြင်း၊ ၈။ ကောင်းမြတ်သော သတင်းကျော်စော
ပျံ့နှံ့ခြင်း၊ ဤရှစ်ပါးသောအကျိုးတိုို့ကို ဆုတောင်းပတ္ထနာမပြုရဘဲ၊
ဆုမတောင်း ရဘဲ ပြည့်စုံရသည်ဟု "တိသရဏ ဂမနိယတ္ထေရ အပါဒါန် ပါဠိတော်"
မှာလာသည်။ ယုံယုံကြည်ကြည် နှင့် နေ့စဉ်မှန်မှန် ကြိုးစား၍ ရှိခိုးကြပါ။
ပူဇော်ကြပါ။ ရှိခိုးကန်တော့တဲ့အခါလည်း "နမောတဿ" သုံးကြိမ် ရွတ်ဆိုပြီး
ကန်တော့ကြ။ မြတ်စွာဘုရားက အပါဒါန် ပါဠိတော်၌ ဝိပဿီမြတ်စွာဘုရားကို ရဟန်း
တစ်ပါးသည် ကြည်ညိုဝမ်းမြောက်လျက် တစ်ကြိမ်ရှိခိုး၏။ ရှိခိုးတဲ့
ကုသိုလ်ကံစေတနာကြောင့် ကမ္ဘာတစ်သိန်းအပါယ်လေးပါးမကျရောက်
ပေ။ ဂေါတမ ဘုရားလက်ထက်ရောက်တော့ "ဧကဉ္စလိကမထေရ်" ဟုအမည်တွင်သည်။
တစ်ကြိမ်ဦးချ၊ ဘုရားကိုကွယ်၊ ကမ္ဘာတစ်သိန်း၊ ကျွတ်ကိန်းရေဘွယ်၊ အပါယဘေး၊
လွတ်အေးလေတယ်၊ မြတ်ဘုရား ကြိုးစားရှိခိုးကြကွယ်။
<မြေဇင်းတောရ ဆရာတော်ဘုရားကြီး> [အရှင် ကေလာသ (သာသနဓဇဓမ္မာစရိယ)။
ကန္နီနည်း သမထ- ဝိပဿနာကျင့်စဉ်ကျမ်း။ ရန်ကုန်၊ သာသနာရေးဦးစီးဌာန၊ ၂ဝဝ၆။
_မှကောက်နုတ်တင်ပြပါသည်။]
No comments:
Post a Comment