အနစ်နာခံ ပေးဆပ်သူတို့အား ပြည်သူတွေ လေးစားချစ်ခင် တန်ဘိုးထားကြသည်...
ဒီကနေ့ ဆရာတော်ကြီး ကြွချီရာ လမ်းမှာ မြင်တွေ့ရတဲ့ ဓာတ်ပုံလေးပါ..။ ဒီလိုမြင်ကွင်းမျိုးတွေ အမေစုနဲ့ ကိုမင်းကိုနိုင်တို့ရဲ့ ခရီးစဉ်တွေမှာ ကျွန်တော်တို့ အခုတလော မြင်နေကြားနေ သိနေရတဲ့ မြင်ကွင်းတွေနဲ့ ထပ်တူထပ်မျှပါပဲ။ ရွှေညဝါ ဆရာတော်ကြီးကို သဒ္ဓါတရားထက်သန်စွာ လောင်းလှူလိုတဲ့ အမေအိုတဦးအား ဆရာတော်နဲ့ လိုက်ပါလာတဲ့ ဒကာ(၂)ဦးမှ ဆရာတော်ဆီ တွဲခေါ်လာတဲ့ ရင်ကိုထိမှန်စေတဲ့ မြင်ကွင်းတွေပါ..။ လမ်းတောင် အဖော်ပါမှ တွဲခေါ် လျှောက်နိုင်တဲ့ ဘဝရဲ့ နေဝင်ချိန်ကို ရောက်ရှိနေတဲ့ အမေအိုပါ...။
ဒါပေမယ့် အမေအို ဆရာတော်ကြီးဆီ မရောက်ရောက်အောင် သွားရှာပြီး လှူဖွယ်ပစ္စည်းလေးကို ရအောင်ကပ်လှူခဲ့တာပါ။ နှစ်စဉ်နှစ်တိုင်း နွေရာသီ ရွှေညဝါသင်တန်းကာလမှာ ဒီလိုပဲ တပည့် နောက်ပါသံဃာတွေနဲ့ အပင်ပန်းခံ ဆွမ်းခံထွက်ချိန်မှာ အမေအိုတို့လည်း လောင်းလှူနေကြဖြစ်မှာပါ၊ ယခင်က အဝေးကနေ တဆင့်လောင်းလှူတာ ဖြစ်ကောင်းဖြစ်နိုင်ပေမယ့် ရွှေညဝါဆရာတော်ကြီး ကျောင်းက ထွက်ခွာ ပေးရတော့မယ်ဆိုတာ သိရှိနေတဲ့ အမေအိုရဲ့ ရင်ထဲမှာ နောက်ထပ် ဆရာတော်ကြီးကို အနီးအပါးမှာ ဖူးမျှော်နိုင်ခွင့် ရမဆိုတာ မသေချာတော့ဘူးဆိုတဲ့ ရင်ထဲ မချိတင်ကဲ ခံစားချက်နဲ့ လာရောက်ဖူးမျှော် ရှာသလားအမေအို...။ စိတ်မကောင်းတဲ့ ခံစားချက်ကတော့ မျက်နှာမှာ အထင်းသားနဲ့ပေါ့...။ အတင်းလုပ်ယူ ခံစားယူလို့ ရတဲ့ မြင်ကွင်းတွေ မဟုတ်ပါ...။ အမေအိုတို့ ဘဝနောက်ဆုံး အချိန်တွေမှာတောင် လေးစားကြည်ညိုသူအတွက် မချိတင်ကဲ စိတ်မကောင်း ဖြစ်နေရတာပါ....။
ပြည်သူတွေကို နည်းမျိုးစုံနဲ့ အနှစ်နှစ် အလလ စိတ်ဒဏ်ရာတွေ ပေးနေကြတဲ့ သူတွေနဲ့ သာသနာ့ နောက်ကွယ်မှာ ကြိုးကိုင်နေသူတွေ ဒီလောက်ဆို တော်လောက်ပါပြီ...။ ငါးပါးသီလရဲ့ တခုချင်းဆီရဲ့ အခြေခံဟာ ကိုယ်ချင်းစာတရားပါ။ ယခုမတရား အမိန့်ထုတ်ပြန်တာ စာတတ်ပေတတ် သံဃာတော်တွေ ဖြစ်တဲ့အတွက် မိကျောင်းမင်း ရေခင်းပြတာမဟုတ်ပါ။ ပြန်လည် စဉ်းစားပေးဖို့လည်း ဦးတင်လျှောက်ထားပါတယ်..။
လက်ရှိ ရွှေညဝါ ဆရာတော်ကြီးနဲ့ ပတ်သက်လို့ ထုတ်ပြန်ခဲ့တဲ့ အမိန့်ဟာ အင်မတန် အငြိုးအတေးကြီးလွန်း၊ အာဃတတရားတွေ၊ မစ္ဆရိယဟစိတ်တွေ ကြီးလွန်းနေမလားပဲ...။ ဒီကနေ့ ဆရာတော်ကြီး ဆွမ်းခံကြွချီရာမှာ မျက်ရည်ကြသူတွေ အများအပြားပေါ့။ ဒီလို မျက်ရည်တွေရဲ့ နောက်ကွယ်မှာ အမိန့်ချမှတ်ခဲ့တဲ့ သံဃာ့အဖွဲ့အစည်းပေါ်မှာလည်း လုပ်ရက်လေခြင်းလို့ အမှန်တရားကို လိုလားသူတိုင်း မချိတင်ကဲ အပြစ်တင်မိကြမှာပါ...။ တကယ်လုပ်ဆောင်ရာမှာ ပါဝင်ခဲ့တဲ့ အာဏာပိုင် သံဃာ့အဖွဲ့အစည်းက သံဃာတွေအပေါ်မှာ အပြစ်မြင်မိကြမှာ ဖြစ်သလို ပါဝင်ခြင်း သိရှိခြင်းမရှိတဲ့ သံဃာတော် ထေရ်ကြီး၊ ဝါကြီးတွေ အပေါ်မှာလည်း အမြင်တမျိုးဖြစ်မိကြမှာပါ...။
ယခုကဲ့သို့ ထေရဝါဒ ဗုဒ္ဓဘာသာမှာ မှားခဲ့သည့် အမှုအတွက် တောင်းပန်မှု ပြုသည့် အပေါ်မှာ တဘက်က ပါရာဇိက ကျသည့် အပြစ်မဟုတ်လျှင် ဘုရားရှင် အဆုံးအမအတိုင်း ခွင့်လွှတ်ခြင်း ဆိုတဲ့ တန်ပြန်တုံ့ပြန်မှုတော့ ပေးသင့်ပါတယ်...။ ယခုကဲ့သို့ တဘက်သတ် လုပ်ဆောင်မှုကြောင့် သံဃာသင်းခွဲမှုကဲ့သို့ သံဃာတော် အချင်းချင်း မညီညွတ်မှုကို ဖြစ်ပေါ်စေနိုင်သလို သာမာန်ပုထုစဉ် ပြည်သူလူထုမှာလည်း မတရားမှုအတွက် သနားဂရုဏာ ကုသိုလ်စိတ်ကို အကြောင်းပြုပြီး လုပ်ဆောင်တဲ့ အဖွဲ့အစည်းအပေါ် လုပ်ရက်လေခြင်းဆိုတဲ့ ဒေါသစိတ် အကုသိုလ်စိတ်ကို ဖြစ်ပေါ်စေတဲ့အတွက် လုပ်ဆောင်ခဲ့သူ သက်ဆိုင်သူများဟာ ဘာသာတရားအရ အင်မတန်မှ အပြစ်ကြီးစေပါတယ်..။ သိုပေတည့် အမှန်တရားသည် အမြင်အားဖြင့် တခဏတာ အရှုံးပေးလိုက်ရသည်ဟု ထင်ရသော်လည်း ရရှိခဲ့သော လူထုမေတ္တာ စေတနာနှင့် ချစ်ခြင်းတရားတို့သည် အဓမ္မပြုသူများအပေါ် အကြိမ်ကြိမ်အခါခါ အဖန်ဖန်အထပ်ထပ် အောင်နိုင်ခဲ့လေပြီ...။
အမှန်တရားဖြင့် လက်ရှိအခြေအနေ၌ အကြိမ်ကြိမ်အခါခါ အောင်နိုင်ပြီး ပြည်သူ့မေတ္တာ ရရှိနေသော ရွှေညဝါဆရာတော်ကြီးအား ဦးညွှတ်ကန်တော့ အပ်ပါသည်...။
လူအချင်းချင်း လှည့်ပတ်ခြင်း ကင်းရှင်းကြပါစေ၊ အထင်သေးခြင်း အချင်းချင်း ကင်းရှင်းကြပါစေ၊ ဆင်းရဲလိုခြင်း အချင်းချင်း ကင်းရှင်းကြပါစေ..။
ဒီမိုဝေယံ
ယနေ့ဆွမ်းခံကြွဓာတ်ပုံ သတင်းများ ဒီမှာ ကြည့်နိုင်ပါတယ်...။
No comments:
Post a Comment