Saturday, February 18, 2012

၂၀၁၂-ခုနှစ်မှာ ကမ္ဘာတကယ်ပျက်မှာလား

ယခုတလော အင်တာနက်၊ စာနယ်ဇင်း၊ရုပ်ရှင်နှင့်ပလူပျံနေသော ကောလာဟ လပညာရှင်အချို့တို့၏ ပယောဂတို့ကြောင့် ခရစ်သက္ကရာဇ် ၂၀၁၂-ခုနှစ် ၁၂လမြောက် ဖြစ်သည့် ဒီဇင်ဘာ၁၂ရက်တွင် ကမ္ဘာလောကကြီး အမှန်တကယ်ပျက်တော့မှာလားဟူ သည့် စိုးရိမ်ကြောင့်ကြမှုများ လူအတော်များများတွင် ဖြစ်ပေါ်နေကြသည်ဟု ကြာသိရ သည်။ ထို့အပြင် ယခုအခါ မုန်တိုင်း, ငလျှင်စသည့် သဘာဝဘေးဒဏ်တို့ကလည်းဟို နေရာဖြစ်လိုက် ဒီနေရာဖြစ်လိုက် နှင့် ဆိုးဆိုးရွားရွား ဖြစ်ပေါ်လျှက်ရှိနေပြီး လူပေါင်းများ စွာ သေကြေပျက်စီး နေကြသည်ကိုလည်း တွေ့မြင်ကြားသိရပြန်သည်။ မြွေပူရာကင်း မှောက်ဆိုသလို AIDS Bird Flu. AH1.N1.စသည့် ရောဂါဆိုးအမျိုးမျိုးတို့ကလည်း ထပ်လောင်းဖိစီးနှိပ်စက်နေကြပြန်သည်။ အမျိုးမျိုးအဖုံဖုံ ကမ်းကုန်အောင် ကမ္ဘာဖျက် လက်နက် ခဲယမ်းမီးကျောက်တို့ကို တီထွင်စွဲကိုင်လျှက် တစ်ဦးနှင့်တစ်ဦး ရန်လိုခြိမ်း ခြောက်နေကြသော လူကြမ်းသူကြမ်းများကြောင့်လည်း ကမ္ဘာသူကမ္ဘာသားအပေါင်းတို့ အဘို့ ရတက်မအေးဖွယ်ရာ နေ့ရက်များလည်းဖြစ်နေရပြန်သည်။ ထိုမျှသာမက ထူးထူး ဆန်းဆန်း အဖြစ် အပျက်မျာကလည်း ကမ္ဘာတစ်လွှားတွင် တစ်နေ့တစ်မျိုးမရိုးရအောင် ဖြစ်ပေါ်နေကြပြန်ရာ ထင်ရာမြင်ရာ အတိတ်နိမိတ်ကောက် ဟောပြောတတ်သူ အချို့ ကြောင့်  လူအများအဘို့ သို့လောသို့လောနှင့် ပူပန်သောက ဖြစ်စရာတွေ ထပ်ဆင့်လာ ပြန်ပေသည်။
        ထိုသို့သော အကြောင်းရပ်တို့ကို သံသယတွေးများနှင့် မေးလျှောက်လာသည့် ပိုဂ္ဂိုလ်ကြီးငယ် အသီးအသီးအတွက်သာမက ကမ္ဘာကြီးတကယ် ပျက်တော့မှာလားဟူ သော သံသယဖြင့် စိုးရိမ်ထိတ်လန့် နေကြသော လူအများ၏ ထိတ်လန့် စိုးရိမ်မှု ပြေ ပြောက်စေရန်ရည်သန်လျှက် ``တာဝန်သိသူမှာ တာဝန်ရှိသည်´´ဟူသည်နှင့်အညီ ကမ္ဘာ့အကြာင်းကို လက်လှမ်းမှီသမျှ ကြိုးစားရှာဖွေ္ဂ္ဂ၍ ဤဆောင်းပါးကို ရေးသားလိုက် ရပေသည်။
        ကမ္ဘာ..ဟူသောစကားသည် ကပ္ပ-ဟူသော ပါဠိဘာသာမှ ဆင်းသက်လာသော စကားဖြစ်၏၊ နှစ်ပေါင်းမည်မျှကြာသည်ဟု ဂဏန်းချ၍ မရေတွက်မသတ်မှတ်နိုင်၊ ကြံဆ ၍သာ သိနိုင်သော အချိန်ကာလ အပိုင်းအခြား တစ်ခုကိုဆိုလို၏။ အလျှား,အနံ,အမြင့် အားဖြင့် တစ်ယူဇနာ(-မိုင်ခန့်)စီရှိသော ဂိုဒေါင်ကြီးအတွင်း၌ အလွန်သေးငယ်လှသော မုန်ညှင်းစေ့တို့ကို အပြည့်ထည့်ထားပြီးလျှင် အနှစ်တစ်ရာ တခါပြည့်မှ တစ်စေ့ထုတ်ယူ ပစ်သဖြင့် ထိုမုန်ညှင်းစေ့အပုံကြီးကုန်သွားသော်လည်း ကပ္ပ-(ကမ္ဘာ)ဟုခေါ်သော အချိန်ကာလကား ကုန်ဆုံးသည်မဟုတ်သေး၊ ထို့ထက် အနည်းငယ်ကြာသေး၏ဟု ကြံဆ၍ သိအပ်ကြောင်း ထေရ၀ါဒ ကျမ်းစာများ၌ မိန့်ဆိုကြ၏၊ ဤစကားရပ်ကို  ထောက်ဆ၍ ပါဠိလို-ကပ္ပ၊ မြန်မာလို ကမ္ဘာ-ဟူသည်မှာ ရှည်လျှားလှစွာသော အချိန် ကာလ တစ်ခုကိုဆိုလို၏။ မှန်၏-သတ္တ၀ါတို့၏မှီရာတည်ရာ မြေ,ရေ,လေ,ကောင်းကင်, အိုးအိမ် တိုက်တာ အဆောက်အဦး,တော,တောင်,သမုဒ္ဒရာ, ကျွန်းကြီး,ကျွန်းငယ် အသွယ် နေ, , နက္ခတ်တာရာ စသည် တို့ဖြင့် ဖွဲ့စည်းထားသော စက်ဘီး သဏ္ဌာန် ကဲ့သို့ စကြ၀ဠာ တောင်တန်းကြီးတစ်ခု ၀န်းဝိုင်း၍တည်ရှိသောဩကာသလောကဓာတ် စကြ၀ဠာ ကမ္ဘာတစ်ခု၏ သက်တမ်းကို အတိအကျ မရေတွက်နိူင်။
        သို့သော် အစရှိလျှင် အဆုံးရှိစမြဲ၊ အဖြစ်ရှိလျှင် အပျက်ရှိစမြဲ ဖြစ်ရကား ထိုကမ္ဘာတစ်ခု၏ သက်တမ်းကို ဗုဒ္ဓ-အစရှိသောပညာရှိတို့၏ အဆိုအမိန့်အတိုင်း လေ့လာကြည့်ကြပါစို့။
        ထိုကပ်ကမ္ဘာသည်
၁။ ပျက်စီးနေဆဲအနေအထားအချိန်ကာလ သံဝဋ္ဋကပ်၊
၂။ တစုံတခုဖြစ်ပေါ်မှု မရှိသေးဘဲ အပျက်အတိုင်းတည်ရှိနေသော အနေအထားအချိန် ကာလ သံဝဋ္ဋဌာယီကပ်၊
၃။ ပြန်လည်တည်ထူထောင်ရေးကာလ ၀ိဝဋ္ဋကပ်၊ 
၎။ ထူထောင်ပြီးသည့်အတိုင်း တည်မြဲနေဆဲကာလ ၀ိဝဋ္ဋဌာယီကပ်-ဟု ၄ မျိုးရှိ၏၊ ထိုကပ်လေးမျိုး၏ အချိန်ကာလ သက်တမ်းကို အတိအကျ ဂဏန်းချ၍ ရေတွက်သတ် မှတ် မရသောကြောင့် အသင်္ချေယျကပ်-ဟုခေါ်၏။
        ထိုအသင်္ချေယျကပ်လေးမျိုးတို့တွင် ကမ္ဘာဖျက်မိုးရွာသည်မှစ၍ မီးကြောင့်ပျက် မည့် ကမ္ဘာဖြစ်လျှင် မီးလျှံရပ်စဲသည့်တိုင်အောင် ၊ ရေကြောင့်ပျက်မည့် ကမ္ဘာဖြစ်လျှင် ရေရပ်စဲသည့်တိုင်အောင်၊ လေကြောင့်ပျက်မည့် ကမ္ဘာဖြစ်လျှင် လေရပ်စဲသည့်တိုင် အောင် သောကာလသည် သံဝဋ္ဋကပ်(ပျက်ဆဲကပ်)မည်၏။
        မီး-ရေ-လေ တခုခုကြောင့် ပျက်စီးပြီးသည်မှစ၍ ကမ္ဘာပြုမိုး ရွာသည့်တိုင်အောင် သော ကာလသည် သံဝသဋ္ဋဌာယီကပ် (အပျက်အတိုင်းတည်နေသောကာလ)မည်၏။
        ကမ္ဘာပြုမိုးရွသည်မှစ၍ လောကကြီး၌ နေ,,နက္ခက်,ကြယ်တာရာတို့ ပေါ်ထွက် လာသည့် တိုင်အောင်သောကာလသည် ၀ိဝဋ္ဋကပ်(ထူထောင်ရေးကာလ)မည်၏။
        နေ,, နက္ခက်,ကြယ်တာရာတို့ ပေါ်ထွက်ပြီးသည်မှစ၍ နောက်ထပ်တဖန် ကမ္ဘာဖျက်မိုးရွာသည့် တိုင်အောင်သောကာလသည် ၀ိဝဋ္ဋဌာယီကြပ်(ဖွိ့ဖြိုးပြီးကာလ) မည်၏။ ယခုလက်ရှိ အချိန်ကာလပိုင်းသည် ၀ိဝဋ္ဋဌာယီအင်္ချေယျကပ်ဖြစ်၏။
        ထိုအသင်္ချေယျကပ်လေးကပ်ကိုပေါင်းမှမဟာကပ်(တစ်ကမ္ဘာ)ဖြစ်၏၊ ဆိုလိုသည် မှာ ကမ္ဘာတစ်ခု၏ အနေအထားသည် ပျက်ဆဲကာလ၊ အပျက်အတိုင်းတည်ရှိကာလ၊ ထူထောင်နေဆဲကာလ၊ ထူထောင်ပြီးဖွိ့ဖြိုးပြီးကာလ-ဟု အချိန်ပိုင်း ၄ ခုဖြင့် ပါဝင် ဖွဲ့စည်းထားခြင်းဖြစ်သည်-ဟုဆိုလို၏။
        ထိုအသင်္ချေယျလေးကပ်တို့တွင် ယခုလက်ရှိ ၀ိဝဋ္ဋဌာယီ အသင်္ချေယျကပ်ဦးစ အခါက(တစ်နည်း-ကမ္ဘာဦးအခါက) လူတို့သည်အသက်အသင်္ချေ တည်နေကြရကုန်၏၊  ကာလရှည်လျားလတ်သော် လောဘ-ဒေါသ စသောအကုသိုသ်တရားများ တိုးပွားဖျက် ဆီးသဖြင့် တဖြည်းဖြည်း    ဆုတ်ယုတ်ကာ     အသက် ဆယ်နှစ်တမ်းတိုင်အောင်  ရောက်လာ၏၊ ဤသို့ ဆုတ်ယုတ်လာသော အချိန်ကာလကို ဆုတ်ကပ်-ဟုခေါ်၏၊ ထိုအခါ ရောဂါဘယ ဘေးဆိုးကြီး ခေတ်မီ လက်နက်ဘေးဆိုးကြီး၊ ငတ်မွတ်ခေါင်းပါးမှု ဘေးဆိုးကြီး တစ်မျိုးမျိုး(ကပ်ကြီးသုံးပါး တစ်ပါးပါး)ကျရောက်၍ မကောင်းသူတွေမှန် သမျှ သေကြေပျက်စီးကြရကုန်၏၊  အသက်တစ်ရာတမ်းအောက် ၁၀-နှစ်တမ်း တ၀ိုက်ဆီတွင် လောဘ-ဒေါသ-မောဟ အကုသိုသ်တရာများ မည်မျှသောင်းကျန်းလာ သနည်းဟူမူ လိင်တူအချင်းချင်းဆက်ဆံမှု၊ ဖခင်နှင့်သမီး၊ သားနှင့်အမိဖောက်ပြန်မှု၊ အချိန်မရွေး၊ နေရာမရွေ၊ အရှက်မရှိသောင်းကျန်းမှု-တို့သည် လောကဓလေ့ (ဖက်ရှင်) တခုကဲ့သို့ ဖြစ်လာ၏၊ လူသတ်လက်နက်တွေ အလိုလို မလျှံပယ်ပေါများပြီး လူသား အချင်းချင်း တိရိစ္ဆာန်ကဲ့သို့ ရက်ရက်စက်စက် သတ်ဖြတ်ကြ၏၊ မြို့ရွာတွေ ပျက်စီးကြ ကုန်၏။ သူတော်ကောင်းစိတ်ဓာတ်ရှိသူ အချို့သော လူတို့သည် ´´ငါတို့ကလည်း ဘယ်သူ့ကိုမှ မသတ်လို၊ ငါတို့ကိုလဲ ဘယ်သူကမှ မသတ်ကြစေနဲ့´´ဟု မေတ္တာတရား ရှေ့ရှုကာ ဘေးလွတ်ရာပြေးကြပြီး ခြုံပုတ်-တောအုပ်ကျောက်ဂူတောင်ကြားစသည့် တို့၌ ပုန်းအောင်းနေထိုင်ကြကုန်၏။ နောက်ဆုံးခုနစ်ရက် လူသတ်ပွဲကြီးပြီး၍ မသေ မပျောက် ကျန်ရစ်ခဲ့သော ထိုလူသား အနည်းငယ်သည် သေကြေပျက်စီးသွားကြသော လူတွေကုိကြည်ပြီး အလွန်အမင်း ကြောက်ရွံ့ထိတ်လန့်ကာ အချင်းချင်းလည်ပင်းဖတ်၍ ``ဒို့ အသက်ရှင်နေကြသေးတယ်နော်၊ ဒို့ မသေကြဘူးနော်´´ဟု ၀မ်းမြောက်ဝမ်းသာ ဖြစ်ကြကုန်၏ တစ်ဦးနှင့်တစ်ဦး ချစ်ချစ်ခင်ခင် ကြင်ကြင်နာနာ ကူညီဖေးမစောင့်ရှောက် ကြရင်း စိတ်ဓာတ်ယဉ်ကျေးမှု ဗြဟ္မာစိုရ်တရားများ ပြန်လည်ထွန်းကားလာသည်နှင့် အမျှ ထိုလူတို့၏ အသတ်တမ်းလည်း သားစဉ်မြေးဆက် တဆထက်တစ တိုးတတ်ကာ အသက်အသင်္ချေတိုင်အောင် ရှည်လာကြပြန်၏၊ ဤသို့ ဆယ်နှစ်-သက်တမ်းမှ အ သင်္ချေယျတမ်းအထိ အသက်တမ်းပြန်တက်လာသော အချိန်ကာလကို တက်ကပ်ဟု ခေါ်၏၊ ဤသို့သော ဆုတ်ကပ် တက်ကပ် တစ်စုံကို -အန္တရကပ် တစ်ကပ်ဟု ခေါ်၏၊ ထိုကဲ့သို့သော အန္တရကပ်ပေါင်း ၆၄-ကပ်ပြည့်လျှင် လက်ရှိ ၀ိဝဋ္ဋဌာယီအသင်္ချေယျ ကပ် ကမ္ဘာသည် ကုန်ဆုံးတော့၏၊ ကမ္ဘာပျက် တော့မည်ဖြစ်၏၊ သံဝဋ္ဋ အသင်္ချေယျကပ်၊ သံဝဋ္ဋဌာယီအသင်္ချေယျကပ်၊ ၀ိဝဋ္ဋ အသင်္ချေယျကပ်တို့၌ကား သတ္တ၀ါများ လူပြည် နတ်ပြည်၌မရှိခြင်းကြောင့် တက်ကပ်-ဆုတ်ကပ် အစုံတည်းဟူသော အန္တရကပ် တို့ဖြင့် မသတ်မှတ် မပိုင်းခြားနိုင်သော်လည်း ၀ိဝဋ္ဋဌာယီ အသင်္ချေယျကပ် နှင့်အချိန်ကာလ တူညီ၏-ဟုမှတ်ယူရမည်ဖြစ်၏။
        ၀ိဝဋ္ဋဌာယီအသင်္ချေယျကပ်(လက်ရှိကမ္ဘာကြီး)ပျက်ခါနီးလျှင် သတ္တ၀ါတို့သည်  လွန်စွာတရားမဲ့ကြသည်-ဟုဆို၏၊ အမေကိုမယားလပ်၊ သားကိုလင်လုပ်သည့်အခြေ အနေထိ ဆိုးရွားလာကြ၏၊ ဟိရီ-ဩတ္တပ္ပတရားများကို လုံးဝကင်းမဲ့ကြ၏၊ မေတ္တာတရား အကြင်နာတရား ချမ်းသာသူကို ကြည်ဖြူနိူင်သော မုဒိတာတရားများ ခန်းခြောက်လာ ကြ၏၊ လူလူချင်းညှင်းဆဲကြ၏၊ တစ်ယောက်စားရ တစ်ယောက်မနာလို မရှုစိမ့်ဖြစ်ကြ၏၊ ထိုခေတ်အခါက ပေါ်ထွန်းသောဝါဒဆိုးကြောင့် တရားမဲ့ခြင်း ကပင်လျှင် ဂုဏ်ရှိသော လုပ်ရပ်-ဖြစ်နေတတ်၏၊  သို့သော် ကမ္ဘာမပျက်ခင်အနှစ်တစ်သိန်းက ကြိုတင်၍ ``ကမ္ဘာကြီး လုံးဝပျက်စီးတော့မည်-တဲ့´´ဟူသော ကောလာဟလ ပေါ်ပေါက်လာမည် ဖြစ်၏၊ ထိုအခါ လောကဗျူဟာနတ်များက-လူ့ပြည်တွင်လှည့်လည်၍``အို..လူသာတို့ နောင် အနှစ်တစ်သိန်း လွန်မြောက်သောအခါ ဤကမ္ဘာကြီးပျက်စီးတော့မည်၊ ပင်လယ် သမုဒ္ဒရာ,မြေ, မြင့်မိုရ်တောင်နှင့်တကွ ကမ္ဘာ့အဆောင်အယောင်အားလုံး ပျက်စီးချေ တော့မည်၊ လူသားအချင်းချင်း မေတ္တာထားကြပါ၊ ဗြဟ္မစိုရ်တရား လက်ကိုင်ထား ပွား များကြပါ၊ လူကြီးမိဘရိုသေကြပါ၊ ပြုစုလုပ်ကျွေးပါ၊ ကုသိုသ်ကောင်းမှုပြုကြပါ´´ဟု သတ်ိပေးနှိုးဆော်ကြွေးကြော် တိုက်တွန်းကြလေ၏။
        ထိုအခါ လူသားတို့နှင့်တကွ အချို့နတ်များပင် တုန်လှုပ်ခြောက်ခြား သံဝေဂပွား လျက် မဟုတ်တယုတ် တရားမဲ့ဝါဒများကို စွန့်ပယ်လျက် ဗြဟ္မစိုရ်တရားလက်ကိုင်ထား ကာ တရားဖက်ကြပြန်သောကြောင့် သေလျင်အထက်အထက်ဘုံများသို့ ရောက်ကြရ လေသည်။
        နောက်ဆုံး၌ လူ့ဘုံ နတ်ဘုံနှင့် ပထမဈာန် ဗြဟ္မာ့ဘုံတို့ရှိသတ္တ၀ါအများသည်
ကမ္ဘာပျက်မည့်ဘေးမှ လွတ်မြောက်ရာ အထက်ဗြဟ္မာ့ပြည်တို့၌ ဗြဟ္မာများသာ ဖြစ်ကြ ရလေ၏။
        ကမ္ဘာပျက်ခါနီးလျှင် လူ့ပြည်၌ မိုးကြီးသည်းထန်စွာရွာသွန်း မြည်းအော်သံကဲ့သို့ အသံကြီးမည်းဟီးလျှက် တချီတည်းမိုးပျက်လေတော့သည်၊ ထိုအခါကျန်ရှိသောလူသား အနည်းငယ်တို့သည် ကမ္ဘာဖျက်မိုးကြီးမှန်းမသိ၍ ပျော်ပျော်ပါးပါးပင် ကောက်ပဲသီနှံ စိုက်ပျိုးကြလေကုန်၏၊ နွားများစားလောက် အပင်ပေါက်အရွယ် မိုးကျချိန်ရောက်၍ မိုး မရွာတော့မှ ပြင်းထန်စွာတုန်လှုပ်ခြောက်ခြား သံဝေဂပွားလျှက် ဗြဟ္မစိုရ်တရား လက်ကိုင်ထားကြလေတော့သည်၊ ထို့ကြောင့်သေသောအခါ လက်ကျန် လူသား အားလုံးသည်လည်း အထက် အထက်ဘုံများ၌ ဖြစ်ကြလေ၏၊ နောက်ဆုံး ကမ္ဘာပျက် မည့်ဘေးမှ ဗြဟ္မာများသာဖြစ်ကြရမည်ဖြစ်၏၊ ငါး လိပ် စသောတိရိစ္ဆာန်နှင့် ပြိတ္တာ နိယတမိစ္ဆာဒိဋ္ဌိ အယူရှိသူမှတပါသော ငရဲသားတို့လည်း ဘ၀ါဘ၀ကပြုခဲ့သော အပရာ ပရိယ ဝေဒနီယ ကုသိုလ်ကံကြောင့် သေသောအခါ နတ်ပြည်သို့သာ ရောက်ကြမည် ဖြစ်၏၊ နတ်ပြည်မှတဖန် ကမ္ဘာပျက်မည့်ဘေးမှ လွတ်ရာ ဗြဟ္မာ့ပြည်သို့ ကူးကြလေ ကုန်၏။
        (နိယတမိစ္ဆာဒိဋ္ဌိ အကုသိုလ်ကံကြောင့်  ငရဲကျနေသူတို့ကား အ၀ိစိငရဲဘုံသက်ဖြစ်သော သက် တမ်း မစေ့သေးလျှင် မပျက်သောကမ္ဘာသို့ ပြောင်းရွေ့ခံကြရ၏ဆို၏၊ အယူမှောက်မှားဖောက်ပြန်ခြင်း၏ ဆိုးကျိုးကား လွန်စွာကြောက်မက်ဖွယ်ကောင်း၏။)
ကမ္ဘာစတင်ပျက်ပုံ
       ဤသို့ဆိုလျှင် သတ္တ၀ါအများ ဗြဟ္မာ့ပြည်လား၍ အောက်ဘုံများ၌ သတ္တ၀ါများ မရှိတော့သောအခါ ပကတိနေ၀င်ပြီး တဆက်တည်းပင် ဒုတိယနေတစ်စင်းပေါ်လာလေ ၏၊ နေ၀သည်ဟူ၍မရှိတော့ပဲ အပူဓါတ်လွန်ကဲလာ၍ နုနယ်သော ကမ္ဘာ့အဆောင် အယောင်ပစ္စည်းများ စတင်ပျက်စီးလေ၏၊ ကာလအတော်ကြလျှင် နောက်တစ်စင်း ပေါ် လာပြန်၏၊ အပူဒီကရီလွန်ကဲလာ၍ မြစ်ရေများခမ်းခြောက်လာ၏၊ နေခုနှစ်စင်းထိ ပေါ်
လာသောအခါ ကမ္ဘာလောကတစ်ခုလုံး မီးဟုန်းဟုန်းထသဖြင့် ကမ္ဘာ့ ရေ မြေ တော တောင် အားလုံးလောင်ကျွမ်းပျက်စီးကုန်တော့၏၊ ကမ္ဘာလောကဓါတ်တစ်ခုလုံးလောင် ကျွမ်းပျက်စီးပြီးသည့်နောက် နေခုနှစ်စင်းလည်း ကွယ်ပျောက်ကာ အမှောင်ထုကြီးကျ လာလေ၏၊ အပါယ်လေးဘုံ ကမ္ဘာတိုက်ကြီး ခြောက်တိုက်အပါအ၀င် လူ့ပြည် နတ်ပြည် ပထမဈာန်ဗြဟ္မာ့ဘုံ သုံးဘုံအထိ စုစုပေါင်းဘုံဌာန(၁၄)ခုလုံး ပျောက်ကွယ်သွားလေ တော့သည်၊ ဒုတိယဈာန် ဗြဟ္မာ့ဘုံအောက်တခွင် တပြည်လုံး၌ အာကာသကောင်းကင် ပြင်ကြီးသာမင်းမူနေတော့၏၊ အမိုက်မှောင်ကြီး အတိဖြစ်နေ၏၊ ထိုဟင်းလင်းပြင်ကြီးထဲ ၌ တေဇောဓါတ်ဦးဆောင်သော ဥတုအသိုက်အအုံများ ဓါတ်နုများသာလျှင် ကောင်းကင် နှင့်အပြည့်ကျန်ရှိလေ၏ နောက်တဖန်ဖြစ်ထွန်းပေါ်လာမည့် ကမ္ဘာလေကဓါတ်၏ မျိုးစေ့ ဓါတ်ပင်ဖြစ်၏၊ ကမ္ဘာ့နိဂုံးချုပ် မိုးကြီးရွာသွန်းချိန်မှစ၍ ကမ္ဘာလောကဓါတ် တစ်ခုလုံး လုံးဝပျက်စီးပြီး ကောင်းကင်နှင့်ဓါတ်နုများသာ ကျန်သည့်အချိန်ထိ တရွေ့ရွေ့ခြင်းပျက် စီးနေသော ကာလအပိုင်းအခြားကို ပျက်ဆဲကမ္ဘာ(ကမ္ဘာပျက်သည်)ဟုခေါ်၏။
        လက်ရှိသင်တို့ငါတို့နေထိုင်သော ၀ိဝဋ္ဋဌာယီအသင်္ချေယျကပ်ကမ္ဘာတွင် အန္တရ ကပ်ပေါင်း( ၆၄)ကပ်ရှိရမည်ဖြစ်၏၊ ပထမအန္တရကပ်၌ ကကုသန်မြတ်စွာဘုရား ပွင့် တော်မူခဲ့၏၊ ဆုတ်ကပ်သက်တမ်း လေးသောင်း၌ဖြစ်၏။
        ဒုတိယ အန္တရကပ်၌ ကောဏာဂုံမြတ်စွာဘုရား ပွင့်တော်မူခဲ့၏၊ ဆုတ်ကပ် အ သက်တမ်း သုံးသောင်း၌ဖြစ်၏။
        တတိယ အန္တရကပ်၌ ကဿပမြတ်စွာဘုရား ပွင့်တော်မူခဲ့၏၊ ဆုတ်ကပ် အသက် တမ်း နှစ်သောင်းကာလ၌ဖြစ်၏။
        စတုတ္ထ အန္တရကပ်၌ ဂေါတမမြတ်စွာဘုရား ပွင့်တော်မူခဲ့၏၊ ဆုတ်ကပ် အသက် တမ်း တစ်ရာတမ်း၌ဖြစ်၏။
        ပဉ္စမ အန္တရကပ်၌ မေတ္တယျမြတ်စွာဘုရား ပွင့်တော်မူမည် ဖြစ်၏၊ ဆုတ်ကပ်
အသက်တမ်း တစ်သိန်းတမ်း၌ ဖြစ်၏။
        ဘုရားရှင်တို့မည်သည် တက်ကပ်ကာလ၌ ပွင့်တော်မူရိုးထုံးစံမရှိ၊ အသက်တမ်း ဆုတ်ယုတ်သော ဆုတ်ကပ်ကာလ၌သာ ပွင့်တော်မူရိုးထုံးစံရှိ၏၊ တဖန် တက်ကပ် ကာလသည် မြန်ဆန်၍ ဆုတ်ကပ်ကာလသည် နှေးကွေးလေ့ရှိသည်ဟု မိန့်ဆိုကြ၏၊ ကျန်သော အန္တရကပ်(၅၉)ကပ်တွင် ဘုရာသဗ္ဗညူ ပွင့်တော်မူမည် မဟုတ်။
        သင်တို့ငါတို့နေထိုင်သော ဤကမ္ဘာဝယ် ဘုရားငါးဆူပွင့်တော်မူရကား ဘုရား အများဆုံး ပွင့်သောကမ္ဘာဖြစ်၍ ဘဒ္ဒကမ္ဘာ(ကောင်မြတ်သောကမ္ဘာ)ဟုခေါ်ကြ၏။
        သင်တို့ငါတို့နေထိုင်သော ဤဘဒ္ဒကမ္ဘာသည် အန္တရကပ်(၆၄)ကပ်ပြည့်မှ တပြိုင် နက် ပျက်မည်ဖြစ်၏၊ ထို့ကြောင့် ကမ္ဘာကြီးပျက်ဖို့ရန် အတော်ပင် အချိန်ကြာလိမ့်အုံး မည်ဖြစ်လေ၏။
        ကမ္ဘာဖျက်လက်နက်ကြီးများ
        ဤကမ္ဘာလောကဓါတ်ကြီးကို ဖျက်ဆီးသောသဘာဝ လက်နက်ကြီးများမှာ မီး ရေလေတို့ဖြစ်ကြ၏၊မီးကြောင့်ခုနှစ်ကြိမ်၊ရေကြောင့်တစ်ကြိမ်အလှည့်ကျပျက်ဆီးပြီးလျှင် (၆၄)ကြိ်မ်မြောက်၌ လေတစ်ကြိမ်ဖျက်သည်ဟု ဆို၏၊ မီးကြောင်ပျက်လျှင် ပထမဈာန် အာဘဿရာဗြဟ္မဘုံအထိပျက်၏၊ရေကြောင့်ပျက်လျှင်ဒုတိယဈာန်သုဘကိဏှာဗြဟ္မဘုံအထိပျက်၏၊လေကြောင့်ပျက်လျှင်တတိယဈာန်ဝေဟပ္ဖိုလ်ဗြဟ္မာဘုံအထိပျက်သည်ဟုဆို ကြ၏။
        သို့ဖြစ်၍ (၆၄)ကမ္ဘာ၊(၆၄)ကြိမ် ပျက်ရာ၌ မီးဖျက်(၅၆)ကြိမ်၊ ရေဖျက် ()ကြိမ်၊ လေဖျက်()ကြိမ် ဖြစ်လေသည်၊ ဤသို့လျှင် (၆၄)ကမ္ဘာတစ်တွဲကို မီး ရေ လေတို့က ဆိုခဲ့ပါ အစီအစဉ်အတိုင်း အလှည့်ကျဖျက်ဆီးကြလေ သည်၊ တဖန် အချိန်တန်က ကမ္ဘာလောကကြီးပြန်လည်ဖြစ်တည်ထွန်းကား လာအုံးမည်ဖြစ်၏။
        ဤသို့သော စနစ်ကို မည်သည့်တန်ခိုးရှင်ကမှ ဖန်တီးသည်မဟုတ်၊ မည်သည့် ထာဝရဘုရားသခင်မှလည်း တားဆီးနိုင်ခွင့်ရှိမည်မဟုတ်၊ သဘာ ၀ တရားတို့၏ ဓမ္မနိယာမဖြစ်စဉ်တစ်ခုပင် ဖြစ်လေ၏။
       ခရစ်ယာန်ကျမ်းစာများက ဤကမ္ဘာလောကကိုထာဝရ ဘုရားသခင်ကဖန်ဆင်း  သည်ဟုဆို၏၊ အစ္စလာမ်ကျမ်းများက တေဇောတေဇကွတ်ရတ် တန်ခိုးတော်ဖြင့် အလ္လာအရှင်မြတ်ကဖန်ဆင်းသည်ဟုဆို၏၊ဗြဟ္မဏ၀ါဒီများကမူ ဤကမ္ဘာလောကကြီးကို ဗြဟ္မာကြီးကဖန်ဆင်းသည်၊ ဗိဿနိုးနတ်မင်းက စောင့်ရှောက်သည်၊ သီဝလိနတ်မင်းက ဖျတ်ဆီးသည်ဟုဆိုကြ၏၊ သိပ္ပံပညာ ရှင်များက ဓာတ်ငွေ့များစုပေါင်း ပေါက်ကွဲရာမှ ကမ္ဘာလောက ဓာတ်ကြီး ဖြစ်ထွန်းလာသည်ဟုပြောကြ၏၊ ဗုဒ္ဓကျမ်းစာများကမူ ယခင်ကမ္ဘာဟောင်း ပျက်စဉ်က ကျန်ရှိနေသော ဥတု,တေဇော,ဓာတ်နုဓာတ်ငွေ့များနှင့် မပျက် သော ဗြဟ္မာ့ပြည်၌ရှိနေကြသော သတ္တ၀ါတို့၏ ကံအစွမ်းဟူသော ဓမ္မနိယာမ လမ်းစဉ်အရ ကမ္ဘာလောကဓာတ်ကြီး ပြန်လည်တည်ရှိ ထွန်းကားလာသည် ဟုဆ်ို၏၊ သဘာဝကျကျ စီိစစ်လက်ခံတတ်ဖို့ လိုအပ်ပါ၏။
         ကမ္ဘာမပျက်မီအကြား လူဖျက်လက်နက်များ
သင်တို့င်ါတို့နေထိုင်ရာ ဤ၀ိဝဋ္ဋဌာယီ အသင်္ချေယျကပ် ကမ္ဘာကြီး အဆုံးသတ်တွင် မီးရေ, လေတို့ကြောင့် အလုံးစုံမပျက်မီအတွင် အသက်တစ်ရာတမ်းအောက် ဆယ်နှစ်တမ်းသို့ရောက်လာသောအခါ်   အငတ်ဘေးရောဂါဘေး လက်နက်ဘေးတို့ မကောင်းသူတွေမှန်သမျှ သေကြေပျက်စီးကြရ၏၊ ကမ္ဘာနှင့်ချီ၍ အကြီးအကျယ် မပျက် စီးမီအကြား ဆုတ်ကပ်ဖြစ်သော အန္တရကပ်၌ လူသားတို့ပျက်ဆီးခြင်းဟုဆိုလို၏၊ လူ သားတို့သန္တာန်၌ လောဘအထူး လွမ်းမိုး၍ ဆုတ်ယုတ်လာရခြင်းဖြစ်လျှင် အငတ်ဘေး ကြီးဆိုက်၍ မကောင်းသူတွေမှန်သမျှ သေကြေပျက်စီးကြရကုန်၏၊ ထိုကပ်ကို ဒုဗ္ဘိက္ခန္တရ ကပ်-ဟုခေါ်၏။
        လူသားတို့သန္တာန်၌ မောဟအထူလွမ်းမိုး၍ ဆုတ်ယုတ်လာရခြင်းဖြစ်လျှင် ရော
ဂါဆိုးကြီးများကျရောက်၍ မကောင်းသူတွေမှန်သမျှ သေကျေပျက်စီးကြရကုန်၏၊ ထို ကပ်ကို ရောဂန္တရကပ်ဟုခေါ်၏။
        လူသားတို့ သန္တာန်၌ ဒေါသအထူးလွမ်းမိုး၍ ဆုတ်ယုတ်လာရခြင်းဖြစ်လျှင် အ ချင်းချင်း လက်နက်တို့ဖြင့် သတ်ဖြတ်၍ မကောင်းသူတွေမှန်သမျှသေကြေပျက်စီးကြရ ကုန်၏၊ ထိုကပ်ကို သတ္ထန္တရကပ် ဟုခေါ်၏၊ ဘုရားရှိခိုးဆုတောင်းများ၌ အပါယ်လေးပါး ကပ်သုံးပါး ဟု သုံးနှုန်းထားသော စကားမှာလည်း ဤကပ်သုံးပါးကိုပင်ရည်ရွယ်၏၊ ဤ ကပ်သုံးပါး လက်နက်သုံးမျိုးကြောင့် ပျက်စီးကြရာ၌ ကမ္ဘာကြီးပါပျက်စီးသည်မဟုတ် မ ကောင်းသူများသာပျက်စီးခြင်းဖြစ်၏၊ ထိုအပျက်မျိုးသည် ယနေ့ခေတ်လို ဆုတ်ကပ် တိုင်း ဆုတ်ကပ်တိုင်း၌ ကြုံကြရမည်ဖြစ်၏၊ နေရာတိုင်းအချိန်မရွေးကြုံတွေ့နိုင်၏။
        စာဖတ်သူများအနေဖြင့် ဥာဏ်အမြင်ရှင်းအောင်ဤကဲ့သို့မှတ်ယူစေချင်ပါသည်၊ မီး ရေ လေတို့ကြောင့် ကမ္ဘာကြီးတစ်ခုလုံးပျက်စီးရခြင်းကို အပျက်ကြီးဟုမှတ်အပ်၏၊ ဆုတ်ကပ်တိုင်းဆုတ်ကပ်တိုင်း၌ လက်နက် ရောဂါ ငတ်မွတ်တာကြောင့် မကောင်းသူ များသာ ပျက်စီးရခြင်းကို အပျက်သေးဟုမှတ်အပ်၏၊ အပျက်ကြီးလည်းပျက်တတ် အ ပျက်သေးလည်းပျက်တတ်သောကြောင့် `လုဇ္ဇတိ ပလုဇ္ဇတီတိ လောကော´ဟူသော ၀စနတ္ထ အရ သတ္တ၀ါအားလုံး တည်ရာအားလုံး ရုပ် နာမ်အားလုံးတို့ကို လောက ဟု ခေါ်ဆိုကြခြင်းဖြစ်၏။
        အပျက်ကြီးဟု ဆိုရမည့် ကမ္ဘာပျက်မည့်ဘေးမှ လွတ်မြောက်လိုလျှင် မေတ္တာ ဂရုဏာ မုဒိတာ ဥပေက္ခာ ဟူသော ဗြဟ္မစိုတရားလက်ကိုင်ထား၍ မိဘ ဆရာ အသက် သိက္ခာ ဂုဏ်ဝါကြီးများသူများကို ရိုသေလေးစားတန်ဖိုးထားရမည်ဖြစ်၏။
        အပျက်သေးဟု ဆိုရမည့် ကပ်ကြီးသုံးပါဘေးမှ ကျော်လွှားလွန်မြောက်လိုပါလျှင် (ကပ်ကျော်လိုလျှင်) လောဘ ဒေါသ မောဟ တို့ကိုလျှော့ချ ခွာချ ထိန်းချုပ်ကြရမည် ဖြစ်ပါကြောင်း တင်ပြရင်း ဤဆောင်းပါးကို နိဂုံးချုပ်အပ်ပါ၏။
        ဤကမ္ဘာလောကကို ငြိမ်ချမ်းသာယာအောင် ဆောင်ရွက်နိုင်ကြပါစေ………
ကျမ်းကိုးစာရင်း
၁။ လယ်တီဒီပနီပေါင်းချုပ်၊
၂။ မဟာဗုဒ္ဓ၀င်၊
၃။ သင်္ဂြိုဟ်ဘာသာဋီကာ၊
၎။ သိပ္ပံခေတ်နှင့် ဗုဒ္ဓ၏အစိန္တေယျတရား၊
၅။ အင်္ဂုတ္တိုရ်ပါဠိတော် အဋ္ဌကထာ၊
၆။ ၀ိသုဒ္ဓိမဂ် အဋ္ဌကထာ၊
ဤဆောင်းပါးကို(၁၇--၂၀၁၀)ရက်နေ့ထုတ် မြန်မာတိုင်းဂျာနယ်တွင် ဖေါ်ပြခဲ့ပြီးဖြစ်ပါသည်။
                                                             အရှင်သိဒတ္ထာလင်္ကာရ။

No comments:

Post a Comment